Наташа Ґайдош – борец котри инспирує

* Наташа Ґайдошова зоз Коцура настрадала  17. януара того року док по калдерми вожела бициґлу. Пияни вожач зоз процивней траки вибегнул на ню. После нєщесца є одвежена до вербаского шпиталю, а такой после до Клинїчного центру у  Новим Саду. Без оглядау же ю оперовали и же єй одрезали ногу,  Наташа, теди матурантка вербаскей Штреднєй фаховей школи „4. юли” вше весела, добре розположена и бори ше зоз шицку силу своєй младосци. Нєодлуга после транспортного нєщесца и операциї, велї ше одволали помогнуц єй

Єдна зоз остатнїх идейох то идея Митька Теґелтиї зоз Футоґу котри Наташу упознал на одззелєню ортопедскей гирурґиї и теди єй почал помагац, а за котру гвари же є, и попри того же ю чека ище єдна операция руки барз весела и оптимистична. Гоч достала першу протезу за ногу на котру ма право прейґ социялного, єй би найвецей одвитовала протеза зоз ставцом колєна и талпи, котра кошта 20 000 евра. Прето Митько роздумує як єй помогнуц. Перша идея му же би ше орґанизовало змаганє у лапаню рибох на Дунаю при Футоґу, а котизация би була уплатнїца зоз виносом до 1000 динари на рахунок Наташовей мацери. Число приявених би бул нєогранїчене. Митько Теґелтия глєда спонзорох котри би му помогли обезпечиц награди за перши три места.

После додзельованя наградох за найлєпших рибарох, гвари Митько Теґелтия, могло би ше орґанизовац и змаганє у вареню котлїка – та би ше порциї могли предавац по сиволичней цени, а приход од предаваня би тиж бул уплацени за Наташову протезу. Так би ше оможлївело людзом же би на Дунаю препровадзели єден приємни дзень и помогли Наташи назберац средства за протезу. За тераз то єдна зоз идейох, гоч ше Митькови уж явело досц заинтересованих котри сцу помонуц у орґанизациї и реализациї истей.

Точни датум отримованя того гуманитарного змаганя на котрим би ше назберала пенєжна помоц Наташи Ґайдош зоз Коцура же би достала одвитуюцу протезу ище вше ше нє зна, алє будземе у котакту зоз орґанизатором и достанєме шицки потребни информациї на час.

Кед же дахто заинтересовани за помоц коло орґанизациї змаганя у лапаню рибох може ше явиц Митькови Теґелтийови зоз Футоґу прейґ профилу на Фейсбуку, або на його мобилни телефон 064 233 82 57.

После нєщесца цала ше заєднїца активовала же би помогла Наташи Ґайдош зоз Коцура. Орґанизовали ше добри людзе зоз єй окруженя котри єй помогли жеби ше фамелиї купел авто же би Наташа могла ходзиц на контроли, оспособел ше и нєшка ше им помага же би ше авто сервисовал и отримовал.

Материялни средства ше зберали зоз орґанизованьом рижних збуваньох: журкох младих, рижних концертох, спортских змаганьох, промотивних полудзенкох и на велї други способи, на котрих ше назберани средства даровали Наташи. Велї добри людзе и теди помогли алє и нєшка помагаю же тей шмелей дзивки.

Заш лєм, средства – 20 000 евра котри треба назберац за нову протезу, Наташи наисце вельки и помоц ширшей заєднїци наисце потребна, же би ше помогло тей младей и шмелей дзивки зоз Коцура. Людзе добрей дзеки  прилоги ище вше можу уплациц на жиро-рахунок Наташовей мацери Весни Ґайдош, улїца Мученика Папуґе 76, 21466 Коцур, на рахунок 160-5800100827500-51 Банка Интеза.

Оленка Живкович

Pročitano 360 puta

Kontakt

Venac Stepe Stepanovića 9
Sombor 25000
e-mail: office@noviradiosombor.com
Tel: +381-25-442-442
Mob: +381-65-8-675-445
http://noviradiosombor.com

Linkovi

POSTANITE SARADNICI

Svi koji želite, možete da postanete saradnici Novog Radio Sombora, bilo gde da živite i boravite.

Javite se na e-mail: office@noviradiosombor.com
Telefon: +381-65-8-675-445

Top
We use cookies to improve our website. By continuing to use this website, you are giving consent to cookies being used. More details…