Pamtićemo iz 2018 / Будземе паметац з 2018-го: Ретроспектива „Костельниковей єшенї” / Retrpospektiva "Kosteljnikove jeseni"

* Того року 9. новембра отримана 25-та „Костельникова єшень” котра ше, означуюци свой мали ювилей, отримовала у рамикох означованя 70-рочнїци шмерци Гавриїла Костельника

  (Donosimo poštovani čitaoci portala Novog Radio Sombora pojedine rubrike kojima na počeku nove, 2019, želimo da akcentujemo pojedine događaje koji su obeležili godinu što nam je prethodila a zbili su se u Somboru odnosno Zapadnobačkom upravnom okrugu. U ovom primeru reč je o tradicionalnoj manifestaciji "Kosteljnjikova jesen" a tekst na rusinskom jeziku uz autentične fotografije, autorsko je ostvarenje naše cenjene koleginice, Olenke Živković, novinarke lista "Ruske slovo" i urednice redakcije Novog Radio Sombora na rusinskom jeziku)

    Манифестация започала у Руским Керестуре, у Основней школи „Петро Кузмяк” хтору отворела директорка Хелена Пашо Павлович. Окреме нїзшим, а окреме висшим класом представена найновша кнїжка за дзеци НВУ „Руске слово” -  „Драга до швета”, антолоґия приповедкох за дзеци. Модератор програми бул Микола Шанта, а на представяню ше моло чуц слово и твори Ирини Гарди Ковачевичовей, Агнети Бучко Папгаргаї и Меланиї Римар, котра и пририхтала тоту антолоґиїю. Старшим школяром бешедовал писатель и историчар Михал Рамач. З тей нагоди редакторка часопису за дзеци „Заградка” уручела награди найвреднєйшим. Свойо роботи пречитали и наймладши.

~ . ~ . ~ . ~ . ~. ~

     Централна програма з тей нагоди задумана як промоция нових кнїжкох и як музично литературни вечар котри ше отримал вечар истого дня у Ресторану „Червена ружа”. З тей нагoди представена нова кнїжка поезиї Михала Рамача „Дуга над Дунайом” о котрей бешедовал рецензент др Дюра Гарди, а Рамач пречитал єдну писню зоз нєй. Нову кнїжку поезиї „Капка на концу нохца” младей писательки Тамари Хрин Рончевич представела Ирина Гарди Ковачевичова, а авторка тиж пречитала даскельо твори. Модератор вечара Микола Шанта представел кнїжку Якима Чапка „Церень спод нохца” котри и пречитал писню зоз истей. Ирина Гарди Ковачевичова пречитала виривок з приповедки зоз новей кнїжки котрей була и рецензентка, авторки Агнети Бучко Папгаргаї „Там дзе слунко виходзи”. Шицки кїнжки видала НВУ „Руске слово”, а зборнїк ґрупи авторох „Рецепция дїла Юлияна Тамша” видал Универзитет у Новим Садзе, Филозофски факултет, оддзелєлнє за русинистику. О чим слово у тим зборнїку потолковал сам Юлиян Тамаш.

    Стретнуце рецитаторох „Михайло Зазуляк” на котрим ше представели рецитаторе зоз наших местох, отримане у Кули 10. новембра, у голу Основенй пшоли „Петефи Бриґада”. Рецитаторе, подзелєни до трох катеґорийох, як цо ше и змагаю на змаганьох, наступели у наймладшим, штреднїм и найстаршим возросту. Найвецей, дванацецеро наступели у наймладшим, та єденацецеро у штреднїм а двойо у найстаршим возросту, дзе наступел и найлєпши рецитатор Сербиї, Мирослав Малацкозоз Руского Керестура. Тото стретрнуце рецитаторох ше роками отримує у рамикох „Костельниковей єшенї”, алє того року достало мено нашого визначного рецитатора, фахового руководителя и консултанта за руски язик на змаганьох на висшим уровню, Михайла Зазуляка, котри нас зохабел прешлого року после чежкей хороти. Доньмашнї пририхтали и виставу дарункох котри принєсли зоз рижних манифестацийох, а цали вечар прикрашела Шпивацка ґрупа РКУД „Др Гавриїл Костелшник”.

     Тиж всоботу, 10. новембра, алє у Коцуре, зоз програму „На чесц Костельникови” у Етно клубе „Одняте од забуца” манифестация ше предлужела. Литературу др Гавриїла Костельника рецитовали и читали школяре руских оддзелєнох ОШ „Братство єдинство”, а було и музични точки, док програму водзел Стеван Самочета. Друга часц програми була вистава малюнкох зоз Подобовей колониї „Коцур 2018” на котрей участвовали уметнїки з наших местох и школяре з подобових секцийох.

     У Коцуре, 15. новембра у ОШ „Братство єдинство” за школярох котри ходза до руских одзелєньох и виучую руски язик з елементами националней култури орґанизована  програма, на котрей представена Антолоґия приповедкох под назву „Драга до швета”,  дзе дзеци мали нагоду упознац наших писательох Меланию Римар и Миколу Шанта. Того истого дня у Руским доме у Коцуре представени найновши виданя НВУ „Руске слово” и автор Михал Рамач. Представени дїла и авторе Агнета Бучко Папгаргаї, Яким Чапко, Тамара Хрин Рончевич, Мелания Римар, та академих Юлиян Тамаш.

     Промоция кнїжки Якима Чапка „Церень спод нохца” представена на литературним вечаре отриманим у Дюрдьове, 17. новембра у КУД „Тарас Шевченко”.

     Дзень пред тим, у Руским доме у Коцуре, 16. новембра отримане Литературне стретнуце на котрим нашо писателє представели найновши виданя НВУ „Руске слово”. Исти авторе як и у Руским Керестуре на интерактивни способ представели свойо виданя, дзе участвовала и публика, а авторе бешедовали о наставаню кнїжкох. После официйней програми присутни ше предлужели дружиц и бешедовац о своїх дїлох зоз закуску котру пририхтали домашнї.

     Тогорочна манифестация „Костельникова єшень” ше закончела зоз 21 по шоре Мултимедиялну манифесттацию младих „Дньовка” 17. новембра у Велькей сали Дома култури, а орґанизовало ю младежске здруженє „Pact Ruthenorum”. Мож повесц же „Дньовка” нє була масовна, а учашнїки котри ше представели зоз литературу и музику були зоз Руского Керестура, Дюрдьова и Зомбора. Мирослав Малацко представел литературу Андрия Раца и Томия Раца, Саша Сабадош зоз Зомбора представел свою поезию, а дебитант на „Дньовки” бул Борис Югик. Себастиян Няради ше представел зоз стенд-ап комедию. Михаил Рамач на електричней ґитари одграл и одшпивал авторски шпиванки по руски, док Дарян Костич, тиж на ґитари виведо даскельо инструментали. Програму водзел Андерй Орос. Обачлїве же учашнїкох нє було вельо, а о причини би требали роздумац и орґанизаторе и цала заєднїца. Позната руска андерґраунд творча уметносц випатра вистала, або єй лєм потребни мали одпочивок же би ше окрипела и ознова ше визначела зоз силу бунтовней младосци. То заш лєм нє завадзало младим зоз Керестура, Коцура, Нового Саду та штредньошколцом зоз Шиду и Беркасова же би ше крашнє преведли.

     Єден зоз змистох на „Дньовки” була и вистава фотоґрафийох котри сцигли на Конкурс на тему „Вода”, дзе перше место достала фотоґрафия авторки Ивани Медєши, друге Кристини Медєши, а треце место завжал Иґор Маньош. Вибрала их Биляна Роман Чурни. На тей вистави, попри 25 виложених фотоґрафийох у голу Дома култури були виложени и „Квитки мудросци” з инстаґрам профилу з исту назву, як и малюнки уметнїка Ратка Торму зо Беркасова.

Pročitano 1660 puta

Kontakt

Venac Stepe Stepanovića 9
Sombor 25000
e-mail: office@noviradiosombor.com
Tel: +381-25-442-442
Mob: +381-65-8-675-445
http://noviradiosombor.com

Linkovi

POSTANITE SARADNICI

Svi koji želite, možete da postanete saradnici Novog Radio Sombora, bilo gde da živite i boravite.

Javite se na e-mail: office@noviradiosombor.com
Telefon: +381-65-8-675-445

Top
We use cookies to improve our website. By continuing to use this website, you are giving consent to cookies being used. More details…